មានសំណើឲ្យតុលាការស៊ើបអង្កេតការបាញ់សម្លាប់ លោក ហ៊ី វុទ្ធី មន្ត្រីសហជីពសេរីកម្មករឡើងវិញ
លោក ចាន់ សុផុន ដែលត្រូវបានតុលាការរកឃើញពិរុទ្ធភាពកាលពីឆ្នាំ២០១២ ពីបទសម្លាប់លោក ហ៊ី វុទ្ធី មន្ត្រីជាន់ខ្ពស់សហជីពសេរីកម្មករកាលពីខែកុម្ភៈ ឆ្នាំ២០០៧នោះ កាលពីម្សិលមិញបានបង្ហាញមុខនៅសាលាដំបូងរាជធានីភ្នំពេញជាផ្នែកមួយនៃកិច្ចខិតខំប្រឹងប្រែងរបស់លោកក្នុងការស្នើឲ្យតុលាការធ្វើការស៊ើបអង្កេតករណីមនុស្សឃាតនេះឡើងវិញ និងស្នើឲ្យកែប្រែការផ្តន្ទាទោសរូបលោកឲ្យជាប់ពន្ធនាគាររយៈពេល១៨ឆ្នាំនេះ។ លោក ហ៊ី វុទ្ធី តំណាងសហជីពសេរីកម្មករ នៅរោងចក្រកាត់ដេរសាន់តិចស្ថិតនៅផ្លូវវេងស្រេង ដែលមានទំនាក់ទំនងជាមួយគណបក្សប្រឆាំងនោះត្រូវបានមនុស្សពីរនាក់ជិះម៉ូតូមួយគ្រឿងបាញ់សម្លាប់នៅពេលរំលងអធ្រាត្រនៅពេលដែលរូបលោកចេញពីធ្វើការវេន យប់នៅរោងចក្រនេះត្រឡប់មកផ្ទះវិញ។ កាលពីម្សិលមិញ តុលាការបានលើកឡើងថា ខ្លួននឹងស៊ើបអង្កេតរឿងក្តីលោក ចាន់ សុផុន ឡើងវិញ និងការសម្លាប់លោក ហ៊ី វុទ្ធី ប្រសិនបើមានការបង្ហាញភ័ស្តុតាងគ្រប់គ្រាន់ដើម្បីគាំទ្រការអះអាងរបស់ទណ្ឌិតរូបនេះដែលថា គាត់ពិតជាមិនស្ថិតនៅក្នុងរាជធានីភ្នំពេញនៅពេលដែលមេដឹកនាំសហជីពរូបនេះត្រូវបានគេសម្លាប់មែននោះ។ …
អ៊ាង ម៉េងឡេង
http://www.cambodiadailykhmer.com/news/9699/
